مصطلحات البنات في الكلام 2023 فالعلاقة بين الكلمة ومعناها موضوع معقد بالنسبة للبنت، يعني مثلا لما البنت تقولك انا مش زعلانة بس هي اصلا مستنياك تعرف لوحدك ان هي زعلانة وليه وكمان تصالحها وتحسسها انك حاسس بيها من غير ما هي تقول.
وعشان كدة في هذا المقال من موقع عرب فور نت سوف نوضح اشهر مصطلحات البنات في الكلام 2023 وايه المقصود بيها بالنسبة للفتاة او للبنت المصرية بالاخص وكل التفاصيل الخاصة حول مصطلحات البنات في الكلام.
 |
| مصطلحات البنات في الكلام |
مصطلحات البنات في الكلام 2023
هناك العديد من الكلمات والمصطلحات اللي البنات بيقولوها وهما بيقصدوا بيها حاجة تانية خالص وبيبقوا مستنيين رد فعل معين مختلف عن الطبيعي بتاع البني ادمين عشان كدة هنوضح للشباب شوية مصطلحات البنات في الكلام وايه اللي هما يقصودا بيها وايه ردود الافعال اللي مستنينها منكم:
لما البنت تقولك “أنت حر، براحتك، اعمل اللي انت عايزه”، ممكن يفهمها غلط ويعتقد إنها بتقوله يعمل اللي هو عايزه فعلاً، بس ده مش الحقيقة واللي هي بتقصده إنه يعمل اللي هي عايزاه مش اللي هو عايزة، ولو حصل غير كدة يبقى متلومش غير نفسك يا صديقي.
لما البنت تقولك “مش زعلانة”: لو البنت قالتلك كده فدة معناه إنها زعلانة وعايزاك تعرف انها زعلانة من ايه وتصالحها ولو مفيش سبب هي زعلانة من ايه يبقى تصالحها بردو، هي ممكن متقولكش إنها زعلانة بس هي مستنياك تهتم بيها وتحسسها ان حاسس بيها وانك بتحبها ومهتم بيها ولو أنت معملتش كدة من نفسك اعرف انك هتشوف ايام ما يعلم بيها الا ربنا.
مفيش حاجة: معناها إنه مفيش مشكلة بالنسبة للبنت وهي بتحاول تقولك إنها مش مضايقة من حاجة معينة، لكن في حقيقة الامر بتقولك حاول تعرف بنفسك ايه الحاجة دي، ما انت لو كنت مهتم كنت عرفت، الاهتمام مبيطلبش...الخ.
مش غيرانة: الفتاة في اللحظة دي بتكون غيورة عليك ومستنية منك إنك تعبرلها عن اهتمامك وتحسسها بأنها الوحيدة في حياتك ومفيش حدا غيرها أحلى أو أجمل منها، وخد بالك اوي من الحتة لانها ممكن تبقى قنبلة في وشك لو متعاملتش في الموقف دة بحذر وذكاء.
خمس دقايق وهكون جاهزة: عندك بعد الجملة دي حوالي ساعة الا ربع على الأقل، وممكن تروح تعمل اي حاجة في حياتك على ما تخلص وتجهز.
هشتري حاجة من هنا بسرعة: “الشوبينج والسرعة” بالنسبة للبنت حاجة مستحيلة، دي بتغيير رأيها في الدقيقة ألف مرة، اخد دي ولا دي طب اللون ده ولا ده عليا هيبقى احلى، ضيق ده ولا مظبوط عليا، وغيرها من الاختيارات اللي هتغرق فيها وهتبقى مش طايق نفسك بسببها، حتى بعد ما تاخد رأي المحل كله بزباينه وعماله وموظفينه.
معنديش حاجة البسها: اوعى تصدقها لو قالتلك معنديش حاجة البسها، هي أكيد قصدها مش عارفة البس ايه من كتر الهدوم اللي عندي دي.
عايزة اعمل دايت: لو البنت بتقوللك إنها عايزة تعمل دايت، حاول تشجعها بطريقة ما انها تعمل كدة بس من غير ما تحسسها ان جسمها تخين لانها ساعتها ممكن تحدفك بأي حاجة في ايديها فحاول تاخد بالك بقى، وساعات بتبقى البنت مش عايزة تعمل دايت بس بتقول كدة بتشوف رد فعلك هيبقى عامل ازاي بتختبرك يعني، فأنت لو حسيت كدة قولها انها مش محتاجة دايت وان المفروض تتغذي شوية وانتي كدة زي العسل على قلبي، وان جسمك جسم عصفورة انا اول مرة اشوف عصفورة عايزة تعمل دايت، وربنا يسامحنا على الكلام دة ويتولانا برحمتة.
وفي نهاية المقال نكون قد تعرفنا على اشهر مصطلحات البنات في الكلام في السوشيال ميديا 2023 والمقصود بيها ايه وايه رد الفعل المناسب، كلمة ميعرفهاش غير البنات.